قصيده تخاطب قلب الإنسان

يقول الشاعر :
ياقلبي لا تكثر علي ّاشطونك اشقيت حالي في سعادتك ورضاك
لك مدة ياقلبي كثرت لحونك ولاني بو الله دآري وش جاك
إن طعتني فالنّاس لايسمعونك واسمع كلام محب لك يوم وصاك
ترى العرب في سجتك ينقدونك واستح من العقل ولو شفته أغلاك
ياقلبي حب النّاس لايبغضونك واصبر على الجاهل يامن تبلاّك
وإن طارد المقفين لايتعبونك انسيه مادام إنّه من القلب ينساك
النّاس سايرهم ولو يزعلونك واصبر على جارك ولو شفته أذاك
بالخير ملزوم العرب يذكرونك واوزن قدم رجلك على قدرة خطاك
واحذر تجي في مجلسا ً مايبونك لو كان منهم واحدا ً قام حياك
واتعب لفعل الخير للي يجونك وعامل عميل الطيب بالطيب لا جاك
واصبر على المقسوم والله بعونك ولابد ما تجري صواد يف دنياك
وليا مشيت الدرب فتح عيونك واسلك طريق الحق والرب مأواك
وسلامتكم وإن شاء الله تجدون الفائده والمنفعه من هذه القصيده , وإلى جديد قادم بإذن الله و وإجازه ممتعه بحول الله وقوته

موضوع رائع جدا شكراااااااااااااااااااااااااا :13:

نورتي صفحتي اختي العزيزة