ياحسرة عليك يالبطاطا .

« ياحسرة عليك يالبطاطا ......... فيك حكاية وحكايات
ساميني وقعدي حدايا ......... وحكيهملي بثبات
علاش هكذا حقدة وسمية.........تضلي تبدلي فالسومات
جوعي فيا غير بشوية........عيت من لعدس بركات
تلعبي بيا والا معايا ......... جاوبيني علاش هاذ السكات
... قالوا لي عليك وليتي فاكيا ........انا البطاطا سكنتلي في الذات
شكارة صغيرة خلصتها غالية......... ديت معايا شي حبات
دخلت للمارشي صفقوا عليا...... طلع ستار والضو طفات
لقيت روحي في تمثيلية ……. بطاطا بألف فرنك ولات
طمعتيني ودرتي علي …….. عندي كيلو بالصح تقلات
واليوم دارت الدنيا.........صرات عليك مظاهرات
...الزوالي بعثتيلو برية..........أنسى الفريت ولفريت أومليت
أو أويحي يبروفيتي فيا.........الشهرية خلاصت وفنات.

منقول