بمناسبة عيد الام

قصيدة عن الأم ابكت من لم يبكي

قصيده منقوله

------------------

اقرءوا معي ما كتبه هذا الشاب متهور تعرض إلى حادث وكانت معه أمه فتوفيت وبقي هو علي قيد الحياه وكتب القصيده هذي... أبكت من لا يبكي


يواسيني وانا الميت وحالي يجبر الدمعات

تسيل من الذي فيني ويبكي وهو يواسيني

وانا ابكي واتنهد وارسم بالحزن لوحات

يجبروني عشان امشي ورجلي ما تمشيني

قتلت رعايتي بيدي قتلت الحب والرحمات

حرمت النفس من حقها وانا ابكيها وتبكيني

وكنه حلم قدامي يقيدني من الصرخات

ابي اصحى ولكني عجزت القى ال يصحيني

فداك القلب يايمه ومهما قلت من كلمات

صغيره في كبر حقك بس اتمنى تعذريني

نهبت الفرح من بيتي صحيح اني خسيس الذات

صحيح اني ولد طايش وكل ما أسمعه فيني

تجول عيونهم فيني تفصل مني قياسات

وتشيح وجوههم عني وكني غيرت ديني

يظنوا حزنهم اكبر وهم اصحاب هالمأساة

وانا اتحدى اذا فيهم ربع ما يحترق فيني

نقص قدري بعد موتك وغابت نشوة اللذات

وصار الهم عكازي اباكيه ويباكيني

عطيتيني بدون حساب ولا سمعتك تقولي هات

وانا اشرب حيل من دمك ودمك ما يكفيني

يايمه ارجعي كافي ابجلس معك لو لحظات

واقبل ايدك ورجلك وافرش لك رمش عيني

يايمه ما تحملهم يقولوا فات ما قد مات

تعالي غيري هالقول واطيعك باقي سنيني

واترك عادة التدخين وانفذ ما تبي بسكات

واصلي الفجر في المسجد قبل منتي تصحيني

يايمه ارجعي تكفين وطفي شمعة الآهات

ابيك انتي ولا غيرك على موتك تعزيني

وضميني وداويني مثل ما كانت الهقوات

ما ابي احدن يواسيني ابيك انتي تواسيني

دخيلك بس لا تبكي اذا شفتي بي الدمعات

انا مقوى ابكيك اذا انتي تبكيني ..

-------------------------------
منقوووووووووووووووووله
تقبلو تحياتي :17:

:16: اهدي لأمـــــــــــــــــي خاصة احلى التهاني اطال الله في عمرها وجعلها دائما وشاحا اتوج به

أمــــــــــــــاه ان ضايقتك فاعذريني
وان حرمت جفنيك النعاس فاعذريني
انت حياة الروح ان هدات او ارسلت دمعة اورتلة نغما
حملتني التسعة دون تحسرواني اباكي النفس اسفا وندمــا
اعذريني ان قصرت في حقك وان خانتني الالفاظ غيرة وحسدا

مشكووووورة على القصيدة


عيد سعيد لكل الامهات و ادعو الله ان يطيل في عمرهن


أمــــــــــــــــــــــــــي...
أمي وطنٌ يؤويني ....... وشمعة تضيء دربي
حبها يسري كالدم في العروق ِ ...... قلبها منبع الدفء ِ والحنان ِ
لها شكري وإحساني .........لها عظيم الشأن ِ والمقام ِ العالي
ترويني بعطائها .......تذهب أحزاني وآلامي بقياها
تسهرٌ لترعاني وتداويني ..... تؤن لأنيني
فداها روحي بكل مافيها ........ اسمها في القلب محفور
الكلمات في وصفها تحتار
أمي كلمة لآ أمل من تكرارها
أمي كلمة رائعة بكل معانيها
ادعو البارىء أن يحفظها ويرعاها

اطال الله عمر كل الامهات وجعلهن تاجا فوق رؤوسنا
شكرا اخواني على هذه الاضافات