اكتبيني حرف .......سليمان السلامة

شاعر العشق والعشاق

الهادىء العذب

[size=29]سليمان السلامة


هو الشاعر العذب , أنيق الكلمة , هادىء الروح والمشاعر والتعبير ,

سارق القلوب بذائب البوح , سليمان العبدالله السلامة

متألق في وصف مشاعر الوداع والعتاب , في شعره عزة الشموخ ,

وله قدرة مشهودة على كسب تفاعل القارىء لقصائده والتأثر بها ,

شعره مرتب متسق , ينساب في المشاعر ويخالج شغاف القلوب ,

سليمان السلامة .. شاعر ملك قلوب الشباب لأنه عبر عن مشاعرهم وهمومهم ,

فترجم المشاعر , وتكلم بلسان العشاق , فأبدع غاية الإبدااااااع



(لو كـتـبتـك شـــــوق)




لوكتبتك شوق فـي وجـه الزمـان
الليـالـي حـبـر وأيـامـه ورق
ماكفاني عمـر أعبـر عـن حنـان
قلبي اللي يعشق أمواجـك غـرق
ولو فرشت الأرض لأحساسي مكان
بالغلى لك ضاقت الأرض وفـرق
زان وقتي فيـك والا فيـك شـان
أنت حلمـي فـي منامـي والأرق
عن ظروف الوقت حبك في أمـان
في عيونـي لـو تناسيتـك بـرق
دام قلبك مارضـى لـى بالهـوان
ناظري عن غيرك أبعـد وأنسـرق



خسارة فـضيعـــة



مر الزمان وراحت أيـام وأيـام
بيني وبينك في غياب وقطيعـه
ومريت أطالع مابنينا من أحـلام
لقيتها في حال صارت مريعـه
فيها الأمل متحول كلـه أوهـام
وفيها الغلى ميت وهو في ربيعه
وفيها زهر ذابل وأثرموضع أقدام
وقلوب مرسومه وأماني صريعه
ياقسينا باصدارنا بعض الاحكام
على الغلى اللي لجل غلطه نبيعه
مدري على اللوم والا أنت تنلام
بس الوكاد أن الخسارة فضيعـه







التسلية بالمشاعـر



للتسلية تلقيـن غيـري مـن النـاس
نـاس تحـب التسليـة بالمشـاعـر
الله خلقنـي طيـب القلـب حسـاس
مشاعـري ماهـي خـداع ومظاهـر
ما أقدر على جرح المشاعر والأحساس
يصعب على أكسـر للاحبـاب خاطـر
وانت تعرفين المحبـة علـى أسـاس
اليوم لـك غالـي ولـك غيـر باكـر
يشد قلبـك كـل طـاري وهوجـاس
وأنا علـى هالوضـع مانيـب قـادر
أحب أنا اللي عشرته ترفـع الـراس
وتبيـض الوجـه بنقـي السـرايـر







طـيـبـتـى لا تـغـــــرك



طيـب ولكـن طيبتـى لاتغـرك
لايخدعك حلمى ولا طـول بالـي
كم خفت من يوم يجى مايعـذرك
قلبى وينسف سيرتك مـن خيالـى
ماشفتـى الا كـل شـى يسـرك
منى ولا في يوم جرحك طرالـى
عن غيرك من الناس قلبي يبـرك
وغيرك إلى جا مالقى له مجالـي
لين اهتمامى فيك بالحيـل غـرك
وقلتى تولـع بـي ولالـه بدالـي
غريتـك انــى قـلـت لله درك
وكبرتك بعينى على كـل حالـى
ظنيتى أن الشـوق فينـى تحـرك
ومالى غناة عنك طـول الليالـي
ضاع السلام وصار عنى يجـرك
للكبر خاطى ظنـك اللـى بدالـي
لكن بمـان الله بخيـرك وشـرك
وعسى الزمن لك طول الأيام حالى
ان كان به شى واخافـه يضـرك
فهو غـرورك والكبـر والتعالـى






تدخل عاالمه الشعري، فتراه يصوّر بلاا منااقشة، وينااقش بلاا مشااغبة ...

بختصاار شااعر في قمة البسااطه والهدووووووء

لله دره !!!


من ضمن مااعجبني من ابيااته يوم يقول ..

انت الربيع وروض الازهاار والسيل
................... بارضٍ تعـدى وسـمها ماسقـااهـا


تنظرك عيني وابتهج وإن بدا الليل
.................. شفـتك قمر يطـرد ظـلاامٍ وطااهـا


أوقد غضا واسمر معك بالتعااليـل
.................. والصبح تاخذنـي عيونك وراهـــا


أيـام ماتنسى بذيـك المداهيـل
................. تـحـت النفود وبين غاالي غـضـااها

المســـافــــات

من يقول أن المسافات الـدروب
ومن يقول أن الغياب فراق عين
المسافه طولهـا صـد القلـوب
والفراق ان ضاع وصل العاشقين
دامني وأياك يجمعنـا الهبـوب
كل ليله شوق وهمسات وحنيـن
ماعلينا من شروقـه والغـروب
لاتعد الوقت بحسـاب الحزيـن
هات همك خلـه بدمـي يـذوب
بانتظارك طول عمرى كل حيـن
كل شي عنه في عمرى أتـوب
الا حبـك لـو تباعدنـا سنيـن





مماراق لقلم وفكر كلــ الإحساس