اجمل البوقالات الجزائرية

مرحبا
انا اجيت و معي بعض الوقالات الجزائرية الرائعة
اولا:لكل اسم هناك بقالةمتعلقة باول حرف من اسمه


[color=red]أصحاب الأسماء ألي تبدأ بالباء:[/color]
هبط لقاع البحر ، فرّشت زربية ، خرجت لي جنية ، قالت لي واش بيك يا بنية ؟ قلت لها راحوا حبابي و خلاوني وحدانية.
[color=red]أصحابالأسماء ألي تبدأ بالتاء [/color]
:لو كان السعد ينغرس بالعود نغرس ميات عود في وطيّة ، لكن السعود بيدّك يا معبود . يا سقام السعود سقم لي سعدى.
و حكمتها:...تجنب شؤم الهزل ، و نكد المزاح
[color=red].أصحاب الأسماء ألي تبدأ بالثاء :[/color]
طلعت للغابة ، صبت الضّرو يابس ،قتلوا يا ضرو القمر يمشي ولا حابس ، قالي مفرش زربية وحذاه طاوس .
و حكمتها: ثمرة العلوم العمل بالمعلوم
[color=red]أصحاب الأسماء ألي تبدأ بالجيم[/color]
رشّيت عتبة الباب بالزهر و الطّيب ، وسقيت كل الأحباب بالعسل و الزبيب ، و كى نسيت جاني جواب كنت نستناه من عند البعيد.

رشّيت عتبة الباب بالزهر و الطّيب ، وسقيت كل الأحباب بالعسل و الزبيب ، و كى نسيت جاني جواب كنت نستناه من عند البعيد.
و حكمتها: جد بالكثير ، واقنع بالقليل

[color=red]أصحاب الأسماء ألي تبدأ بالحاء :[/color]
مدّيت لقاع البير و فرّشت زربية ، حرقست حرقوس ذهب من راسى لوذنية ، فرحي يا يما سعدى زها ..والعدو إلى استشفي فيّ .
و حكمتها : الحازم من كتم سرّه
[color=red]أصحاب الأسماء ألي تبدأ بالخاء [/color]:
يما يما ديريلي تويقة في وسط الحديقة باش نشوف زهرى كي تجيبو ذيك الوريقة.
حكمتها: الخَرَسْ خير من الكذب .

[color=red]أصحاب الأسماء ألي تبدأ بالدّال :[/color]

ديديو..ديدو..أنا سعدي مليح ، قنديلي ضاوي ، البنيان إلى بنيتو قع سجالى ، بنياني فوق غرفة و لي يخصني يكملهولي العالي
حكمتكم : دُل على الجميل بجميل خلالك
[color=red]أصحاب الأسماء ألي تبدأ بالراء:[/color]
عسل يا عسل في باقة خضرا ، يا شميمت العاشقين يا قمرا ، حلف سيد الملاح ما يرأس أمر غير إذا جات غزالته باش تكمل الحضرة
وحكمتها: زين النّطق الصّدق
[color=red]أصحاب الأسماء ألي تبدأ بالسين :[/color]
خر جت نهار الجمعة ، في يدى شمعة ، قالولي أمسحى ذيك الدمعة ، و انساي الخلعة ، قريب يتلموا احبابك و صحابك و يفرحوا معاك الجماعة .
و حكمتها : سرور الدنيا كأحلام النائم
[color=red]أصحاب الأسماء ألي تبدأ بالشين [/color]:
الناس تنده بالرجال و الوالي ، وانا ننده بربي العالي
وحكمتكم : الشكوى سلاح الضعفاء
[color=red]أصحاب الأسماء ألي تبدأ بالصاد :[/color]
حوم حوم يا حوام ، حوم فوق السطح العالي ، و قول لها يا لالة يا زينة لبنات و خدودها براقة ، و عيونها غرّاقة ، صارت كل القلوب ليها سبّاقة.
حكمتها : صداقة الجاهل تعب
[color=red]أصحاب الأسماء ألي تبدأ بالضاد :[/color]
كلام على كلام و الكلام على سقيلة ، العين في العين و الدّعوة مقبولة.
و حكمتها: ضالة الكريم حسن الثّناء.
[color=red]أصحاب الأسماء ألي تبدأ بالطاء :[/color]
يا شمس واش بيك ذابلة ، إلا لابيك الزين راني نفكر فيك ، و اذا بيك الزهر ربي ما يتخلي عليك
و حكمتكم : طوبي لمن شغله عيبه عن عيوب الناس**طوبي:ويل**
[color=red]أصحاب الأسماء ألي تبدأ بالظاء :[/color]
محبس منقوش ، مربي على الفشوش ، ما يحمل الهنا ، أصبر يا خاطري حتى يفرّج مولانا
**خاطري: قلبي**
حكمتها:ظلم الضعيف أفحش ظلم
[color=red]أصحاب الأسماء ألي تبدأ بالعين :[/color]
لزّيت لباب الرياض ، الورد عالباب النرجس باسني ، الزهر عنقنى ، و الياسمين ما بغَ يكلمني
وحكمتها: العين بريد القلب
[color=red]أصحاب الأسماء ألي تبدأ بالغين :[/color]

قطّعت اللحم بيدى و عملت بذور ، و سمعت الكلام بوذنى و عرفت من قالو ، يا قايلين الكلام القبيح واش تربحوا ، أنا طاوس في القصر و انتم خفاش النهار ما يضوالو.
و حكمتها: الغفلة والكلاو الناس دئب عملاق
[color=red]أصحاب الأسماء ألي تبدأ بالفاء :[/color]
جازت على جنية ، قالت لي على واش تحوسي يا ولية ، قلت لها مانى نحوّس لا على مال لا على جاه ، نحوس على من ضيّعت يولي لي .
وحكمتها : الفقه جيش لا يهزم
[color=red]أصحاب الأسماء ألي تبدأ بالقاف :[/color]
جايز على باب دارنا ، لابس تلمساني ، قتلو يا شيخ بالاك تنساني ، قالى والله ما ننساك ، ونصيبك على ربي جاه و سلطاني.**تلمسان: ولاية جزائرية**
وحكمتها : القريب من قَرُبَ نفعه
[color=red]أصحاب الأسماء ألي تبدأ بالكاف :[/color]
امّنت بالله ، و المنام رؤية من عند الله ، حمامة بيضة جات ترفرف عليّ ، معاها حصان توقّف بين يديّ .

وحكمتها:ا كرم الناس أسرعهم مودّة.
[color=red]أصحاب الأسماء ألي تبدأ باللام :[/color]
نبعث لكم دموعى في مشوار زرق ، و نبعث كلامي في برية تحرق ، ما ننساكم يا ناسى بحق مكة و بلاطها لزرق.
وحكمتها : لين الكلام قيد القلوب.
[color=red]أصحاب الأسماء ألي تبدأ بالميم :[/color]
سمعت قر الحمام في قاع السّجنة ، لا من سقاه الما ولا من طاه شعير ، يا قمر ..الحمام يعي و يحن ، وتتعمّر النافورة ، ونعودوا لزمانا كيما كنا .**قر: صوت**
و حكمتها : المشقة كلها في تأديب الجاهل .
[color=red]أصحاب الأسماء ألي تبدأ بالنون [/color]:
خرجت ليلة الجمعة ، في يدى شمعة ، خرج لي ملاك حنين قالي : يا بنت السحاب حاجتك راه مقضية ، قلت ليه : يا سيدي طالت المدة ، قالى : روحى لدارك تصيبيها قدّامك .
حكمتها : النفس مولعة بحب العاجل
أصحاب الأسماء ألي تبدأ بالهاء :

خرجت بدر البدور تتزعبل في المور ، تلقت هذوك الشعور ،على الخد إلى ينوّر مثل التفاحة.
وحكمتها : الوحدة خير من جليس السّوء
[color=red]
أصحاب الأسماء ألي تبدأ بالواو[/color] :
دارنا في الجبل ، مقابلة مكة ، مفتاحها من ذهب ، يشعل ما يطفي
وحكمتها : هيهات من نصيحة عدوّ.
[color=red]اصحاب الاسماء التي تبدا بالاف:[/color]
روح يا ولدي دعوة الخير راها لاحقتك ميمتك ميمتك و لا كلام الناس و العديان
و حكمتها:دعاء الام مستجاب

اعجبتني بوقالة حرف السين
شكرا اختي